A Igrexa Evanxélica de Asembleas de Irmáns O Camiño na Coruña, continua cos eventos conmemorativos previstos para este ano 2025 tras cumprir 150 anos de presenza na cidade da Coruña. Este próximo domingo, 9 de marzo de 2025 ás 18:00 horas, terá lugar a proxección da película: “Chama no vento”.
A película trata sobre un contrabandista, que portaba un material moi perigoso naqueles tempos, xa que tiña o poder de cambiar vidas debido a que o seu contido desvelaba verdades ocultas para os homes e as mulleres que as escoitaban.
A película sitúa a chegada do Evanxeo a España e máis concretamente ao mosteiro de Sevilla onde estaban os monxes católicos, Casiodoro de Raíña e Cipriano de Valera, no século XVI.
“Chama no vento” , ten duración de 2 horas e proxectarase na Igrexa Evanxélica do Camiño sita na rúa, Curros Enríquez 43 baixo posterior. A entrada é libre e gratuíta ata completar aforo.