Almorzo institucional no Día do Evanxeo, Festa da Esperanza en Galicia 2025

No Día do Evanxeo, Festa da Esperanza,  celebráronse varios eventos  en Galicia, un almorzo institucional entre a Comunidade Evanxélica e diversas autoridades e institucións en Santiago de Compostela, unha marcha e un festival na Coruña baixo o lema “Dignidade e xustiza coa inmigración”

Almorzo institucional

Este pasado sábado, 7 de xuño, celebrouse en Santiago de Compostela un Almorzo institucional con motivo do Día do Evanxeo, Festa dá Esperanza, un encontro entre representantes da comunidade evanxélica, autoridades e diferentes institucións para compartir un momento de reflexión e diálogo sobre temas de actualidade social. Mediante este evento, púidose compartir un tempo de reflexión e dialogar sobre a situación do noso país. Este ano 2025 o tema social a tratar versou sobre a inmigración “Dignidade e xustiza coa inmigración”.

A presentación do almorzo institucional de oración correu a cargo de Alejandro Romero, representante denominacional das Igrexas de Boas Noticias no Consello Evanxélico de Galicia (CEG). O almorzo celebrouse o sábado, 7 de xuño, ás 10:30 horas, no Hotel Oca Porta do Camiño en Santiago de Compostela.

Na apertura e benvida, o secretario executivo do Consello Evanxélico de Galicia, Enrique Iglesias Campelo, destacou na súa intervención a importancia de escoitar: “Hoxe non vimos só a falar de inmigración. Vimos escoitar a quen a vive na súa pel, nos seus corpos, nas súas esperanzas”.

Durante o acto, os asistentes estiveron acompañados polo grupo musical de encomio que animou a todos con cancións cuxa letra chegaba ao corazón, creando un ambiente de unidade e esperanza e contou cunha excelente conexión co público.

A primeira conferencia TED (Tecnoloxía, Entretemento, Deseño) a cargo de Victoria Barajas Gutiérrez, educadora social e coordinadora dun centro de emerxencia humanitaria, tratou o tema social da inmigración desde un perspectiva humanitaria e profesional baixo o lema “Dignidade e xustiza coa inmigración”. A súa intervención convidou a reflexionar sobre a importancia de tratar a inmigración con respecto e empatía.

Na seguinte intervención púidose escoitar unha testemuña, “A travesía” unha historia real relatada en primeira persoa por Yeinet Díaz, nacida en Cuba e acollida con afecto pola terra galega, é esposa e nai de dous fillos adolescentes. Formada no seu país de orixe como Técnico en Contabilidade e Finanzas, soubo reinventarse e adaptarse con admirable resiliencia na súa traxectoria vital. Xa en Galicia, orientou a súa carreira cara ao sector da moda e o comercio.

Seguidamente, proxectouse un vídeo que recolle o vivido na marcha de 2024. Un resumo visual de compromiso, presenza pública e traballo conxunto.

Trala participación do grupo musical con outra canción, deu comezo o 1º bloque de intervencións institucionais. Participaron en primeiro lugar D. Victor Fernández Prieto, 2º tenente de alcalde e concelleiro do Grupo municipal do PSOE no Concello de AMES, acompañado pola 1ª tenente de alcalde do Concello de Ames, D. Susana Señorís Rodríguez. Na súa intervención Fernández Prieto, sinalou o significativo crecemento da poboación inmigrante censada no municipio, así mesmo tamén desculpou a ausencia do alcalde de Ames, a quen lle gustase estar presente e quen sente sensibilizado co tema a inmigración.

A continuación, tomou a palabra D. José Antonio Constenla Ramos, concelleiro do grupo municipal do Partido Popular do Concello de Santiago de Compostela quen relacionou a temática da inmigración con algún texto bíblico, entre eles fixo mención ao libro de Gálatas 5:14 “Amarás ao próximo coma a ti mesmo”.

Continuando co programa previsto levouse a cabo a segunda parte das Conferencias TED. Nesta ocasión, desde unha perspectiva pastoral, entrelazando o tema social e o espiritual baixo o lema “Dignidade e xustiza coa inmigración”. O pastor Segundo Navaza, presidente das Igrexas de Boas Novas de España, foi quen presentou ao conferenciante, Ángel Manuel Hernández, ofrecendo un breve resumo da súa traxectoria coa inmigración.

O pastor Ángel Manuel, é Licenciado e Doutor en Teoloxía. Foi galardoado coa Medalla ao Mérito Civil de España, a Medalla de Ouro de Canarias, e recibiu diversos recoñecementos por parte de todos os corpos de Seguridade do Estado, en agradecemento á súa contribución espiritual e social á comunidade.

 

Ao finalizar a segunda conferencia, Alejandro Romero, deu inicio ao segundo bloque de participación institucional, saudando e presentando ao resto de autoridades e partidos políticos concedéndolles a palabra. Entre os asistentes estiveron, entre outros, D. Gonzalo Trenor López, deputado do Parlamento do Galicia polo Partido Popular, dando un toque de humor ás intervencións ao comentar que despois da intervención de Ángel Manuel sentía que lle faciamos unha “faena” facendo referencia implícita á eloxiosa intervención do seu predecesor na quenda da palabra. Na súa mensaxe destacou que “na nosa sociedade a forza dominante é o amor e non o odio”.

Pechou o bloque de participación institucional, por parte da Xunta de Galicia, a directora xeral de Relacións Institucionais, Dª Sandra Vázquez Domínguez, destacando que “desde a Xunta de Galicia existe un compromiso de aglutinar esforzos”.

 

Antes de concluír o almorzo, para finalizar este encontro nun xesto simbólico como mostra de gratitude entregáronse uns libros e Biblias conmemorativas do 150 aniversario de la Iglesia O Camiño na Coruña, a cada unha das autoridades presentes. Trala entrega o pastor e expresidente do Consello Evanxélico de Galicia, José Luis Zapata Vázquez, en substitución do presidente do CEG, Miguel Zapata Alcayde, ausente debido a unha intervención cirúrxica recente, pediu permiso aos invitados para orar por eles, e pedir a bendición de Dios e a graza para que poidan realizar o seu traballo coa axuda de Dios, seguindo o exemplo que nos indica a Biblia no texto de 1ª Timoteo 2: 1-4 “ Exhorto ante todo, a que se fagan rogativas, oracións, peticións e accións de grazas, por todos os homes; polos reis e por todos os que están en eminencia, para que vivamos quieta e reposadamente en toda piedade e honestidade porqué isto é bo e agradable diante de Deus o noso Salvador, o cal quere que todos os homes sexan salvos e veñan ao coñecemento da verdade”.

E para inmortalizar este momento finalizouse cunha foto de familia dos asistentes.

 

O segundo bloque do encontro iniciouse cunha canción para dar paso á segunda intervención do pastor Ángel Manuel Hernández, quen profundou desde unha perspectiva pastoral no tema social da inmigración.

 

 

Pechou o secretario executivo do CEG, Enrique Iglesias cunha oración que incluía os temas sinalados no programa.