Celebración do Día do Evanxeo, Festa da Esperanza, sobre Dignidade e Xustiza coa inmigración
O Comité Organizador do Día do Evanxeo, Festa da Esperanza, estableceu como data sinalada o sábado, 7 de xuño de 2025 para realizar as seguintes actividades en torno á causa social sobre a inmigración que leva como lema: “Dignidade e Xustiza coa inmigración”. As actividades programadas son o almorzo institucional, a marcha e un festival.
O Consello Evanxélico de Galicia e a Asociación de Pastores da Comarca da Coruña organizan a celebración do Día do Evanxeo, Festa da Esperanza na contorna do programa nacional EspañaOrmaosporti 2025.
Desde hai varios anos en Galicia as Igrexas Evanxélicas uníronse ao proxecto nacional de dedicar un día de oración por España, poñendo en evidencia cada ano un problema social actual. Este proxecto é coñecido, en todo o pais como EspañaOrmaosporti e no que participa a maioría do pobo evanxélico español e que en Galicia o evento denominouse, Galicia Oramos por ti.
Aquel proxecto que comezou ano 2007 sendo no unha reunión de oración por España foi crecendo e ampliando a súa programación con actividades como o almorzo institucional, no que a presenza de autoridades políticas e personaxes relevantes da nosa sociedade é cada vez máis habitual. Pola tarde, nese mesmo día de festa o pobo evanxélico en Galicia saía a rúa nunha marcha, que este ano, o día 7 de xuño de 2025, percorrerá as principais rúas da cidade da Coruña. Este Día do Evanxeo, culminaba os seus actos cun Festival da Esperanza, onde contará coa actuación dun grupo musical e realizarase a exposición da causa social de actualidade con testemuñas de persoas que traballan coa inmigración. Todo isto encádrase na celebración do Día do Evanxeo, Festa da Esperanza.
No Día do Evanxeo, Festa da Esperanza, están programas unha serie de actividades en torno á causa social sobre a inmigración que leva como lema: “Dignidade e Xustiza coa inmigración”. As actividades programadas son o almorzo institucional, a marcha e un festival.
O Almorzo institucional, está pensado como un encontro entre os pastores, ministros e/ou líderes das distintas denominacións evanxélicas e as autoridades políticas e personaxes relevantes de Galicia. Preténdese ter a oportunidade de poder conversar sobre asuntos de interese común, en semellanza aos almorzos celebrados noutras nacións e que supoñen unha manifestación da cordialidade e a cooperación entre os distintos sectores da nación. O almorzo institucional 2025, celebrarase no Hotel Oca Puerta del Camino, en Santiago de Compostela, o sábado, 7 de xuño, ás 10:30 horas, cunha duración aproximada dunha hora. Está confirmada a participación de diferentes profesionais que traballan directamente no campo da inmigración para conversar mediante conferencias TED ( Tecnoloxía, Entretemento e Deseño) sobre o tema de “Dignidade e xustiza coa inmigración”.
A Marcha, consiste nunha mobilización de carácter festivo dos membros das distintas Igrexas Evanxélicas, principalmente da provincia da Coruña ademais das que se sumen das outras provincias de Galicia. A convocatoria está programada para saír ás 5:30 da tarde, da Praza de María Pita da Coruña.
Por diferentes provincias de España, ao longo do mes de xuño, o pobo evanxélico sae á rúa, non para protestar, senón para orar e bendicir a nación marchando polas rúas de diferentes cidades poñendo en evidencia un problema social que precisa de atención. É unha marcha festiva e alegre, con cantos de encomio e oracións pola nosa terra.
O Festival, concíbese como o evento no cal conclúese o programa do proxecto Día do Evanxeo, Festa da Esperanza. É un encontro de carácter festivo, onde a través das diferentes manifestacións artísticas moi presentes no pobo Evanxélico temos unha oportunidade máis de mostrar á cidadanía o privilexio de vivir para Deus, á vez que é unha ocasión propicia para contribuír á sensibilización cidadá sobre o tema da inmigración baixo o lema “Dignidade e Xustiza coa inmigración”. O lugar previsto para o festival será na zona do Palco dos Xardíns Méndez Núñez ás 6:30 da tarde.
Anexos:
Programa de actividades / Festival Evanxélico da Esperanza:
A efectos de cumprimentar o expediente necesario para o uso de espazo público con motivo do peche da xornada co Festival Evanxélico da Esperanza, concretamente no espazo público dos Xardíns de Méndez Núñez, detállase a continuación o programa de actividades previsto no que se inclúen actividades de carácter infantil paralelas ao programa xeral.
Programa do Festival Evanxélico da Esperanza o sábado, 7 de xuño 2025
Hora: de 18:30 A 21:30 horas
Lugar: Xardíns Méndez Núñez, na Coruña
- Presentación.
- Quen somos e Motivo da concentración
- Causa Social: “Dignidade e Xustiza coa inmigración”
- Actividades infantís
- Actuacións Musicais / Himno Galego Gaiteiros
- Lectura Manifesto / Declaración
- Oración por:
- Dignidade e Xustiza coa inmigración.
- España e Galicia: Autoridades e nación
- A Coruña: Autoridades e veciños
- Participación Gaiteiros
- Actuación musical
- Exposición pública
- Peche Musical
Posibilidade de actividades para nenos (globoflexia, pinta-caras, pallasos…).
O vindeiro sábado 24 de maio, terá lugar ás 6 da tarde un encontro de encomio e oración unido interdenominacional na Coruña, na Igrexa Evanxélica Luz ás Nacións, situada na rúa Juan da Cierva, nº 14, no Polígono da Grela, na Coruña. A continuación, ás 8 de noite celebrarase unha cea benéfica no local social da Igrexa Ebenezer, sita na rúa Isaac Peral, nº 8, na Coruña. Requírese inscrición previa para asistir á cea benéfica.
Para calquera outra información ou aclaración chamar a:
Antonio Pazos Couto, coordinador do proxecto en Galicia Día do Evanxeo, Festa da Esperanza móbil: 636 464 259 ou ben no correo comunicacion@conselloevanxelico.org